承接上集賓史迪拿跟展品瘋狂好笑的歷險故事，今集講人情冷暖，賓史迪拿為了對有感情的展品因為要搬走而再次大鬧新的博物館。所以加插了很多新角色及有歷史背景的人物，對於歷史背景欠缺知識的觀眾可能會稍為唔知係咩人，唔識笑，不過今集主要唔係笑料，而係歷險+大量特技。
女主角用上艾美亞當斯非常好，因為無論言行舉止及造型都同角色融為一體，搶鏡，是一個可塑性好高的女演員，越黎越鍾意佢。反而賓史迪拿不夠出色，沒戲可言，可能不停跟空 氣做戲，所以難以發揮。電影用上大量特技令一眾展品就如真的一樣，雖然特技唔太好，甚至有點假，當然不能太高要求，不過作為一部合家歡電影，最緊要熱鬧，嘻嘻哈哈咁過兩小時就已經覺得好睇，呢點呢套電影做到了。
其實好唔好睇唔緊要，熱鬧能令觀眾更加投入去看，最緊要覺得抵睇，如果唔係，呢套戲其實一般般咋，劇情鬆散架。
翻生侏羅館2 Night At The Museum : Battle Of The Smithsonian
導演：桑里維 Shawn Levy
演員：賓史迪拿、艾美亞當斯、羅賓威廉斯、奧雲韋遜
片長：105分鐘
級別：I
評分：6.5/10
沒有留言:
張貼留言