＜＜侏羅紀公園3＞＞：恐龍假 劇本差 時間短 走走走

其實我都睇左好多次呢集，但確實真係好難睇，因為已經去到第三集了，故事都再冇乜變化，今集故事玩搵仔，因為個仔玩玩下滑翔傘而意外跌入恐龍島，由於生死未卜所以父母設法去救仔，於是搵左第一集既恐龍專家呃佢去個島上面救人，當然最後係一味有班恐龍追住班人類黎食，主角死極都死唔去，懶係驚險咁。

今集主角恐龍係棘龍，但論霸氣遠遠不及暴龍甚至速龍，外形亦都不太討好，我有D難以投入。

反而今集壓軸出場的翼龍較有氣勢，空中與人類戰鬥拍出驚險及氣勢，係今集最好看的部份。

故事我覺得幾差，搵戲黎做，主旨只係得搵仔一條線，但睇落套戲又兒戲到死，又會突然之間個仔會出黎救到個恐龍專家，然後二話不說又好兒戲咁同父母團聚，之後又好奇怪個仔又冇發現到海邊有隻船有機會走到，所有事情係好兒戲同過份地快，令到片長只有九十分鐘，可能今次牽涉既人物好少，冇前兩集咁多人死，所以冇咁投入，不過值得一睇既係尾段的翼龍與人類的空中大戰，係最好睇既一幕，係拍得幾好幾緊湊驚險，玩盡海陸空。

今集恐龍其實我覺得做得比較差，皮膚好粗糙，紋又好核突，個樣又好似變左樣咁。不過作為侏羅紀迷，睇得出今集為求有變化，已經做左好多不同，只係覺得片長太短，好唔夠喉呢。

侏羅紀公園3 Jurassic Park III
導演：祖莊士敦 Joe Johnston
演員：森尼爾、威廉馬斯、卓化摩根、堤雅里安尼
片長：92分鐘
級別：IIA
評分：7/10