＜＜唐山大地震＞＞：被騙了 似係睇緊溫情師奶劇

冇諗過呢套戲講地震只係頭個十幾分鐘，其餘時間竟然係講震後主角日後的生活及遭遇，同埋最老套既終於可以搵返自己既親生媽咪，實在大陸劇到冇人有。呢套戲十分難睇，十分悶，十分大陸劇。首先開頭講無拿拿地震，但地震得小兒科，好似只係某個村裡面震，唔似成個唐山係度震，特技之流真係冇眼睇，震得又唔夠震撼，更加插幾段硬煽情既情節落去，對唔住，我真係投入唔到，因為畫面太流太黑了。

全片陰陰沉沉既色調，以為可以令觀眾覺得地震後D人好慘，係就係，不過呢D情節極少，令我唔覺得D人最後有幾可憐。P.S.:眾演員演出其實幾浮誇，成日擘大個口慘叫咁就叫做慘....

一開始就黎地震，只有幾分鐘，但特技真係流到爆，更加覺得好似係係一個村入面地震，唔覺係成個唐山大地震，係最大敗筆。

跟住落黎就係極度大陸劇情節，歌頌救援人員，全靠中國軍隊令到中國人民國泰民安，係頂唔住，女主角張靜初被安排入軍隊認養父母，之後幾經波折先搵到親生母親，完全唔感動，冇一個伏線被佢去搵，感覺上係離晒題，馮小剛導演安排了人物感情及描寫地震後人民的生活及淒慘遭遇，可惜呢D唔係我地想睇既野，電影名叫唐山大地震，我地係想睇地震有幾震撼，而唔係一大堆煽情搵親生阿媽既倫理溫情劇，對我黎講呢套戲好失敗，浪費一個題材去發揮，浪費演員的演出吧。

唐山大地震 Aftershock
監製：陳國富
導演：馮小剛
演員：徐帆、張靜初、李晨、陳道明
片長：134分鐘
級別：IIA
評分：5/10