第一集空前成功，埋下伏線到第二集，質素仍有保證，都逐一解開上集留下既疑團，而且角色上加碼，令電影內容更豐富，今集繼續講警隊內部的惡行，以及多了政治元素，令到呢集既內容更有反思作用，更加貼近香港社會現實，今次導演大膽地博一鋪，結果博到香港電影史上最賣座電影第一名，得到香港人的支持全因電影講中晒香港現時的差勁狀況，必須要用電影去發聲。
 |
| 電影集結三大影帝郭富城、梁家輝及周潤發，演技高下立見，到最後三人碰頭火花四濺，拍案叫絕，電影成功全賴演員落力演出及劇本利害的背後隱喻。 |
 |
| 郭富城明顯係演技上稍遜的一位，但睇得出佢都好落力去做，包括動作場面都親身上陣，假以時間過多幾年，郭富城的演出一定會更爐火純青，今次主線落在佢同梁家輝身上，卻不及梁家輝的老練搶鏡。 |
本來上集只係講警隊內部鬼打鬼已經夠刺激，今集更延伸到香港的核心範圍，足見導演野心之大，更多次隱藏政治隱喻，例如政府玩晒，操控及干預一切警隊事務；特首及政府官員可以跟警隊利益輸送，達致一D不公義既結果；警隊內部根本處處貪心鬼及壞人，每個人心裡都有隻鬼，都可能係一個內鬼等等，膽粗粗去隱喻現時香港的局面，真係睇見到唔敢相信其實現今香港社會係幾咁離譜！我地唔會覺得好戲劇化，而香港觀眾更會覺得香港更見恐怖，我地見前既香港已經唔屬於我地本身認識既香港，冇晒核心價值，冇晒人性，冇晒公義既一個地方，香港人睇呢套戲時必定深深領會到現時香港的悲哀。
電影能夠承接上集拍出來既氣勢，縱使沒有上集出色既拍攝手法，但仍保留多場火爆口舌場面及槍戰車戰，拍得一氣呵成，維持呢個系列高質素的保證，係一件好難做既事。當然多了新演員加入，這會令到成件事更有大片格局，更令內容豐富D，最後再埋一個伏線予第三集，都係值得期待既事。
演員方面，集結三大影帝、亦都重點放左係呢三位男角之上郭富城、梁家輝及周潤發，三人演技立即高下立見，梁家輝演得最好，亦都係最難演的一角，佢既角色係老練，深藏不露，但內心卻存在矛盾，對兒子的寵愛但又要逃避公義，向利益低頭，個種喜怒不形於色既演出梁家輝真係演得好好，唔會過火但又能保持個氣勢，好強。發哥演的律政司戲份不算太多，但一出場就有股氣場攝住，呢個氣得來不易，係全靠發哥散發出來既氣場，不遜於梁家輝，而且句句入肉，正義澟然，發哥又唔會好用力去演，都好難的；然而郭富城變成最遜的一個，始終本人覺得郭富城係近年先真正係識做個角色，而唔係做緊郭富城做的角色，佢嘗試用沉實既態度去做角色，當然都係水準之內，而且非常落力，只係佢都係未夠歷練，未有散出氣場及角色上應有既氣燄及態度，三人比下去之下顯然係最弱個個，我覺得並唔係角色問題，而係郭富城仍然未去到爐火純青境界。其他演員對比之下戲份不算好多，但都算稱職，彭于晏戲份少，合格有餘，反而楊𧙗寧比佢多，最後幾幕都落足力去演，效果不俗，令人動容。反觀女角真係好弱，楊采妮依然背對白，文詠珊較好，但幾場戲就完結，未免太快吧。
縱觀而言，<<寒戰II>>成為香港電影史上最賣座電影第一位係一件值得恭喜的事，因為終於係港產片拎返第一名，吐氣揚眉，要得到香港人的支持，全因要一部電影的成功，劇本好，對香港社會有貼地現實既情節，因而產生共鳴及話題性；演員整體表現好都係好重要，演員不是一個演得好就夠，係要講整體，呢套戲做到的；當然少不了動作場面拍出的氣勢，多種元素結合下成為最賣座電影，係合理的，然而最欣賞地方係，我地觀眾見到導演不害怕，敢拍敏感題材而場場中Point及到肉，係現今電影界好難做到的事吧！
寒戰II (Cold War 2)
監製：何韻明、江志強、鄧漢強、管東銚
導演：梁樂民、陸劍青
演員：郭富城、梁家輝、周潤發、楊采妮、文詠珊、張國柱、彭于晏、楊𧙗寧、李治廷
級別：IIB
片長：110分鐘
評分：8.5/10
 |
| 彭于晏係近年港產片比較常見的演員，除左外型討好外，其實演出都不俗，滿以為佢係奸角，其實佢只係一隻棋子，到最後變回兒子時的轉變對比強烈，恰到好處，雖然戲份不多，但演出令人深刻。 |
 |
| 電影最高潮位要數隧道車戰及槍戰，拍得好緊湊及刺激，據知係搭景加後期做的場面，像真度十足，拍出個氣勢係呢個系列既賣點。 |
演員方面，集結三大影帝、亦都重點放左係呢三位男角之上郭富城、梁家輝及周潤發，三人演技立即高下立見，梁家輝演得最好，亦都係最難演的一角，佢既角色係老練，深藏不露，但內心卻存在矛盾，對兒子的寵愛但又要逃避公義，向利益低頭，個種喜怒不形於色既演出梁家輝真係演得好好，唔會過火但又能保持個氣勢，好強。發哥演的律政司戲份不算太多，但一出場就有股氣場攝住，呢個氣得來不易，係全靠發哥散發出來既氣場，不遜於梁家輝，而且句句入肉，正義澟然，發哥又唔會好用力去演，都好難的；然而郭富城變成最遜的一個，始終本人覺得郭富城係近年先真正係識做個角色，而唔係做緊郭富城做的角色，佢嘗試用沉實既態度去做角色，當然都係水準之內，而且非常落力，只係佢都係未夠歷練，未有散出氣場及角色上應有既氣燄及態度，三人比下去之下顯然係最弱個個，我覺得並唔係角色問題，而係郭富城仍然未去到爐火純青境界。其他演員對比之下戲份不算好多，但都算稱職，彭于晏戲份少，合格有餘，反而楊𧙗寧比佢多，最後幾幕都落足力去演，效果不俗，令人動容。反觀女角真係好弱，楊采妮依然背對白，文詠珊較好，但幾場戲就完結，未免太快吧。
縱觀而言，<<寒戰II>>成為香港電影史上最賣座電影第一位係一件值得恭喜的事，因為終於係港產片拎返第一名，吐氣揚眉，要得到香港人的支持，全因要一部電影的成功，劇本好，對香港社會有貼地現實既情節，因而產生共鳴及話題性；演員整體表現好都係好重要，演員不是一個演得好就夠，係要講整體，呢套戲做到的；當然少不了動作場面拍出的氣勢，多種元素結合下成為最賣座電影，係合理的，然而最欣賞地方係，我地觀眾見到導演不害怕，敢拍敏感題材而場場中Point及到肉，係現今電影界好難做到的事吧！
寒戰II (Cold War 2)
監製：何韻明、江志強、鄧漢強、管東銚
導演：梁樂民、陸劍青
演員：郭富城、梁家輝、周潤發、楊采妮、文詠珊、張國柱、彭于晏、楊𧙗寧、李治廷
級別：IIB
片長：110分鐘
評分：8.5/10
沒有留言:
張貼留言