近期上映的<<白宮淪陷2之倫敦淪陷>>口碑好似唔錯，不停炸不停爆，完全冇悶場，可能係吸收左上集令覺得好多低智及兒戲既劇情及情節後，第二集就密集式去爆，咁咪變返好睇囉。好，講到呢度，就睇返第一集，其實荷李活片有極多電影玩盡白宮，炸白宮，但玩得好唔好睇真係好壞參半，最好玩當然係火星人玩轉地球，不過呢套擺到明炸白宮，救總統既戲，真係玩得極兒戲極低智，男主角謝拉畢拿有如甄子丹，一個打一百個都冇所謂。
 |
| 謝拉畢拿職責原本係總統身邊既特工保鑣，奈何一次意外令佢信心盡失，不過之後靠經驗以一敵百，屈機到無倫，傷又唔太傷，打機咁打到打大佬都無所謂，反正佢最後一定救到總統出黎，非常離地既動作片。 |
劇情真係會好簡單咁講出黎，因為成套戲都冇劇情可言，只見一班人向住白宮同班人射槍，然後入去捉總統，跟住首領用左好長時間拎個三個密碼，但明明人已經捉晒但可以用半套戲時間拎個三個密碼，跟住保護白宮既人通通死晒，係死淨謝拉一個，於是一個打一百個人，甚至連出賣佢既人都睇通睇透，試問仲有咩可以難到佢，之後又會聯絡到參議長去攞料，跟住又會搵到個地牢殺敵，何其容易！呢種離地情節真心覺得編劇當我地低能，班奸角更係無腦，拍到咁都可以有第二集，勁！
咁係因為美國人愛拍摧毁美國既自嘲電影，長拍長有，但都有分高低之流，呢套一定係流個隻，首先明明射爆白宮，但最後外貌又好似完整無缺咁，牆上只有幾個CG子彈窿，但入面就爛到七彩，但爛還爛，點解會係通地木板碎，而唔係石屎，莫非白宮係木板砌出黎？第二，點解所謂的罪犯首領可以咁仁慈，花咁多時間講一大輪野只係為左個三個密碼，但班人明明都捉晒，但又唔逐個問，又唔威脅，只係同參議長個班人對話，咁捉個總統把鬼咩，最後咪又係總統分付各人講出個密碼出來，晒鬼氣！第三，我可以相信謝拉畢拿一個打十個，但我唔相信佢可以乜傷都唔覺有，同伴想殺佢又可以講一大輪野先行動仲要俾佢察覺到，呢個低能劇情係動作片通病；第四，點解襲擊可以冇人向外埋伏，咁出面班人等咩？點解唔入去埋伏，既然又冇乜敵人，使驚佢幾丁友咩.......
總言而之，呢套戲真係可笑，一個謝拉畢拿玩晒成套戲，總統冇用就梗，參議員班人又冇鬼用，唔曉部署差佬又好飛虎隊又好入去突擊，我作為觀眾，只好當睇緊一部唔使用腦既動作片就夠了，更不用理會任何演技，況且劇情發展都估到晒，不如睇埋第二集仲好過啦，世界唔用腦既人何其多！
白宮淪陷 Olympus Has Fallen
導演：安東富卡 Antonie Fuqua
演員：謝拉畢拿、阿朗艾格、摩根費曼
片長：119分鐘
級別：IIB
評分：6.5/10
 |
| 奸角搵來韓國人，極似方大同，不過沒戲可言，陰謀都不見影響深遠，更不見佢係高智罪犯，更拖長時間奪取密碼，何不逐一威嚇，要婆媽逐個講一大輪先？ |
 |
| 動作場面係主打，但都有唔少特技，但流到爆，爆白宮但滿地木板，真係R爆頭，成班罪犯襲擊白宮但好似小貓三四隻，老實講就算俾你拎到密碼你都冇命出到去啦，成班人圍住你架大佬！ |
總言而之，呢套戲真係可笑，一個謝拉畢拿玩晒成套戲，總統冇用就梗，參議員班人又冇鬼用，唔曉部署差佬又好飛虎隊又好入去突擊，我作為觀眾，只好當睇緊一部唔使用腦既動作片就夠了，更不用理會任何演技，況且劇情發展都估到晒，不如睇埋第二集仲好過啦，世界唔用腦既人何其多！
白宮淪陷 Olympus Has Fallen
導演：安東富卡 Antonie Fuqua
演員：謝拉畢拿、阿朗艾格、摩根費曼
片長：119分鐘
級別：IIB
評分：6.5/10
沒有留言:
張貼留言