呢類求生自救電影最重要既係氣氛必須凝造得好緊張，唞唔到氣，劇力緊迫，鬥智鬥力然後絕處逢生，先得到觀眾話收貨既評價，好似已係一個模式，但呢個模式加入呢類戲當中先至叫做好睇，如果唔係就好似呢套戲咁：乜咁單調乏味架！口水多過茶！感受唔到壓迫感呀！然而，呢套戲真係太過平淡，冇驚天動地既情節，中段既求生情節都係個幾樣而又不太合理，結局更草草了事，有點失望。
 |
| 全套戲九成都發生係纜車之上，三位主角被困在纜車上，所以難免有悶場，靠D無聊對白充撐場面，以致有拖泥帶水既感覺，減低緊張的氣氛。 |
 |
| 片中求生既技倆不多，只係跳車及攀爬纜繩，因為技倆不多以致覺得無咩特別之處，冇扭橋冇驚喜。 |
 |
| 片中狼既部份都算多，奇怪既係既然呢個係滑雪場又點會有咁多狼，又冇管理員巡視，咁其實本身個場咪好危險？ |
真係好簡單既故事，先唔理故事講乜，因為呢類求生電影我只會睇佢會點逃生，用咩得意方法去走，我期望既事通通都冇發生到，因為呢三位主角只係講多過做，我所指係三位主角不停講返之前彼此既生活點滴，講愛情講友情，我唔介意去講但好似同劇情冇乜關係喎，搞到好似係度拖時間咁，因為係纜車上既求生技能的確係好少。
第一：跳車，第一位主角做左啦，明知唔得既明知一係死一係斷腳都要跳，真係戇居，以致自己斷腳最後走唔到成為狼既食物，然而呢個情節係必須既，因為要講俾觀眾知呢個方法唔Work呀嘛，只係我有一個問題係點解滑雪場會有咁多狼？又冇管理員巡視，咁去玩既人咪好危險？唔識解釋，第二就係攀爬纜繩，其實都係方法黎既，不過一個又凍又冇食過野冇乜力既人都可以攀咁遠，而且明知一落到地面就會即刻俾狼食，都仲要去，找死？
根本呢個場地背景就玩死導演自己，係，感覺上好似應該幾好睇，因為令人產生共鳴，我相信個個都會曾經驚過萬一好似主角們咁被困在纜車上會點算，可惜係導演沒有加插一D令人覺得：係喎，勁喎，咁都俾你諗到既求生技能，就係要呢D位先會令到劇情更加峰迴路轉，更震攝人心，呢方面導演做唔到了，心諗：得俾狼食左去咋？結局更草草了事，女主角能夠避過狼既襲擊而得到逃生機會，吓？唔係呀化！
演員方面，全片主要講兩男一女既三位主角，全片在纜車上演戲並不容易，要有好足夠既幻想力才感受到角色上既挫拆及精神上既折磨，當眼見自己好友被狼監生圍住黎食個種歇斯底里既傷心，然後到互相埋怨，到最後互相扶持及鼓勵，三位主角都演得不俗，可惜救唔到劇本既不濟，浪費了演員既心機。
冰峰36小時 Frozen
導演：阿當格連 Adam Green
演員：奇雲薛加、桑艾舒莫、愛瑪比怡
片長：93分鐘
級別：IIB
評分：5.5/10
沒有留言:
張貼留言