＜＜八兩金＞＞：美國與中國的貧與富及文化差距之間存在了很大的矛盾

故事講洪金寶已在美國生活多年，英文一般靠做的士司機維生，及後發現係時候要返鄉下探爸爸媽媽，從而邂逅表妹張艾嘉，咁岩張艾嘉準備出嫁，就一齊去搵屋企人，從中他倆漸生情愫，可惜最後張艾嘉仍然選擇下嫁有學識有文化既老公，洪金寶只能眼白白目送她走。

故事其實好簡單，在張婉婷拍下的電影多數會拍得好有情懷，情懷在故鄉的人和事及文化，集中去描寫當地人本身存在的不合理文化，呢套戲就突顯了美國生活及中國生活的差異，在美國九成人一定排華，睇唔起中國人就待薄中國人，所以到而家都存在呢個問題，先顯生洪金寶想返鄉下抖抖氣既現象；張艾嘉嫁既老公亦都浸過鹹水，諗住係三藩市開餐館，點知被當頭捧喝叫唔好，因為中國人在美國生活極之困難，倒不如回到家鄉，接受返本土既文化，一直習慣的對人對事既處理手法，咁可能會舒服D。

洪金寶及張艾嘉的表哥表妹日見夜見，終於漸生情愫，可惜最終不能開花結果，唯有愛在心中。

洪金寶愛面子又要炫耀，結果得到班鄉親父老送俾佢一大堆家禽，呢種文化係中國傳統落黎既唔好習慣，充大頭鬼只會令自己蝕底。

係咪浸完鹹水既人一定學識好好多？搵錢一定搵得多？我諗一直以黎每人都一定咁諗。冇計啦，美國生活水平高，讀書方便，學既野國際化，搵錢機會自然多；反之中國人思想守舊，活水平極低而窮，冇能力去教下一代如何做一個上等人，以致令一班愛面子愛炫耀既中國人吃力不討好，得不到同等既回報，洪金寶就係受中國傳統思想所影響，中國人要有八兩金係身先返得鄉下見親人，要威嘛！中段佢仲要不停派利是，皆因愛面子，點知自己其實冇乜錢
，結果令自己吃虧，呢個就係中國人其中一個難搞返好既思想觀念，呢套戲就係想講中國人要去外國發展先考慮自己先應唔應付到，或者係返自己地頭，所有野都可以隨遇而安，雖未至於飛黃騰達，但都可以有返個種情懷係度。

演員方面，洪金寶及張艾嘉都演得不俗，很真摯動容，簡單直接既演繹就可以了，不太造作。而張婉婷亦都拍出汕尾鄉下既種種情懷情景，不論係幢樓夠特色及樹景，人物習俗及鄉下佬本身既落後特性，都可以顯現得到而不突兀，算係一部值得咀嚼既一部小品電影。

八兩金 Eight Taels of Gold
監製：岑建勳
導演：張婉婷
演員：洪金寶、張艾嘉
片長：105分鐘
級別：II
評分：7/10